閩南行 - 高崎的天空尾聲

 

廈門的機場係位於高崎，機場為這裡帶來的一架架天空上劃過的飛機，唯如無意外，機場會今年年底搬往遠點的翔安。

為把握最後風景而訂殿前的酒店，地鐵殿前站一出，就見一排排食店再加夜市，繽紛到總算唔算驚今晚無嘢食。步向酒店途中不斷聽到飛機上空擦過的轟隆聲，想拿出相機拍都趕不及，現做的就只有過閩南朝天宮到酒店，安頓好後返轉頭去頭先的夜市買東西祭五臟廟。

酒店退房時間兩點，有個大清早可以出去拍過夠，出前翻定Flightradar24網站，計定飛機來臨。第一張就係出酒店過馬路後，再回頭拍掛上殿前街頭的大樓。

接著經一商場到閩南朝天宮，大大的宮閉著門沒開，雖這不重要，因為都為著拍宮頂連飛機同框畫面，拍時同時間的拍友小貓三四隻左右。

拍得差唔多就覺要食個早餐，過殿前一路到殿前四路，聽到轟隆聲再拍一下後，見隔離有間沙茶麵店，入去點了滿滿一碗三十蚊沙茶麵。

食完繼續往東，偶聽到飛機轟聲就試可把握拍甚麼，再轉上殿前三路往北，就來到另一拍機熱點清水宮。

清水宮人氣明顯比朝天宮高幾個巴仙，多得就像開派對，大概係廟細較易拍著人連廟連機同框，但覺拍來拍去都係右側和正面廟頂連上空飛機，自己又唔係派對動物費時同人迫故影兩張就轉移玉步。

覺未拍夠就繼續往北，到殿前六路往東北，到成功大道周邊空曠，過天橋見大路上飛機穿過著地，應可再拍一些。

天橋除橫過公路，亦過廈門地鐵一號線路軌，唯天橋似乎吸取了些「香港經驗」，架起密密的鐵絲網，較難拍到地鐵飛機同框景。

與地鐵並排係廈門島上的鐵路線，高崎除有機場也是一鐵路貨運樞紐。穿過鐵軌下的隧道，便進入高崎社區。

區除了村屋，伴隨有些廢棄似的鐵路，小X書有些帖說還有機車可拍，我想就算有都有高崎火車站內，但站唔單止唔開放給閒人，就係直情不辦客運，看來要放棄尋找機車的念頭。 

或應該再去拍埋高崎機場，只係自己對飛機又唔係咁狂熱，其實好天氣下，由殿前到高崎係一條唔錯的散步路線，雖沒有飛機總覺欠些甚麼。

總之要追憶舊日九龍城的情懷好趁快把握了，人家可沒有義務為著你的情懷繼續耳朵受罪啊。