每年九至十月澳門都有煙花匯演，今年第一場的星期六有假，老樣子星期五晚到珠海隨便找間按摩場瞓返晚，只係按摩場就係瞓唔得到，第二朝迷糊狀態地離店。
開頭這張相片係上年九月澳門國際煙花節時拍下，機位在嘉樂庇總督大橋氹仔那邊入口旁，使用相機係二零二一年買的奧林匹斯 E-M10MarkIV。
看完煙花後回到珠海宿一宵，翌日起身得知颱風於傍晚會最接近，屆時會掛起八號波。
一直想寫多篇澳門歷史城區，就算疫情阻隔，這幾年來馬交也來多了幾轉，畢竟港珠澳大橋通車金巴的出現，唔止來回交通費大斬一半，就係搭船轉了搭巴士，心理上變到像落中環半山行一轉咁易。
狹義的路環，係指路環島最西邊，有十月初五街、聖方濟各堂、安德魯葡撻之小鎮。廣義當然就係全路環島，在這個人口密度已全世界最高，還要接種而來的大陸客下，路環島算係澳門僅有的靜土。
