寶島行 - 再追日治台南

 

一直想把日治台南建築之旅以一篇過寫成，就似以前寫漳州古城般。

 

但做來其實唔可行：台南市區還真算大，起碼比漳州舊城區大，且各建築分散，你徒步的話且只得一日時間，以台南車站為界，東西兩邊係魚與熊掌難以同日兼遊，就算你行得如何的快，但你如只在林百貨或台南州廳前打個卡而過其門不入，那去來又有何意思。

 

雖然自己只比走馬看花好不了多少，自己又唔係讀建築系，台灣日據歷史只懂點皮毛，只覺日治古典建築是這城的底蘊，坦白講就係好打卡able。而且從嘉義來到台南時已是下午一時，餓著肚子的我們趕去食無名米糕，故遠望下台南測侯所，經過吳園藝文中心也是略賞其巴洛克那部分，沒有閒情逸緻進去木屋裡茶館。

 

食過米糕，經過是日閉館的台南美術館，到上次到過的孔廟但擦身而過的商圈，商圈靜悄悄，開著鋪不多。再到空空如也的愛國婦人館，見女人覺無聊得很，唯有帶她到林百貨滿足一下購買慾。想起附近也有一個西市場，但去到所見原來只賣布匹，還是走出去逛逛小店巷子。

翌日覺未到過東邊，於是越過火車站向東進發，到國立成功大學，大學最顯眼係榕園的大榕樹，隔離的日軍臺灣步兵第二聯隊營舍如何威風也像比了下去，其實改成校舍的營舍本身不太會開放於外人，其迴廊時不時突出了部冷氣機，似乎要打卡還是到榕樹下就好。

 

經小東門離開，走到成功大學博物館，博物館還真係時有展覽，只係今日沒有。繼續向南就係原臺南長老教女學校本館暨講堂，都係關閉而且女校，唔係隔離有個女伴就有被當痴漢的風險。

於是轉回往東，到舊台南的權力中心：一係臺南廳長官邸，沒搞錯台南未改為州前，行政首長就叫廳長。或者被當作縣鎮，故只係一層過的和式平房，遠睇似會被忽略的民居。來到時正值其休館，但包圍著其也是靜悄的藝術區，就係兩三件藝術品，和唔理會外人的藝術家。

  

台南被改為州後，大概有些都會面貌，臺南知事官邸因而具氣派一點，由於接待過還當皇太子的裕仁，故較大篇幅講接待情況，把整個宴廳復刻出來。話雖格局似過分狹小，現在是但一間酒樓都比它大，但你提醒這小城官邸膽敢搞到猶如宮廷，那才是公然以下犯上之死罪。

 

再次遊走台南前曾考慮過買本魚夫著之《臺南巷子內》，一手拿著書再一手拿著相機地去走篇，但正因要留下一手拖著旁邊的女人，就只好拍下相片再意描每到過之處，落筆時始終都覺實寫得馬虎，卻又不能不下筆。

 

但我又唔想怪她，雖然也再沒機會怪她。