粵北行 - 另過九龍

 

九龍唔止香港有，英德都有一個，所以話陳果奇片《九龍不敗》講既九龍係指邊度或真叫人R頭。 

全段英西峰林走廊，九龍鎮在未端，亦係有巴士回英德市區之地。其距黃花鎮十二公里左右，若你買了下午五點五十分回深圳的高鐵票，那要把握時間上路。 

十半點吃完早餐退了房後上路，向東走到黃花鎮中小學後再轉向南，沿Y473路前進。

大概天氣運只限昨日，今日陰陰沉沉，途徑鄉村風景更普通，令人對往後的景色沒太大期望，縱使有黃花溪貫穿下的喀斯特小山丘群，聞係走廊精要部分。 

見到英西峰林牌子，知踏入景區範圍，見上彭家祠索要八十大元，貴得令人咋舌，還是在外遠望好。依向英西湯泉渡假村的路牌，往前見沙土堆成的便橋，隔離係興建中的新橋，整個地方就像一個大工作，把原來陰天令變得普通的湖光山色再打七折。

過橋再望著河上遊船前行，坑壩村旁河岸係登遊船的碼頭，但似廢棄沒人看管。在碼頭望回對岸正係叫廣東小布達拉宮的彭家祠，雖話建於清代的古物，卻欠真布達拉依著雪山氣勢，也沒松贊林的金碧輝煌，總括就係遠望就好，一支140mm焦距也夠你窺探。

睇百X地圖唔覺坑壩村有路至到九龍，要過回對岸接回Y473，但入村時見過態度唔太友善的牌子，但路只有這一條，唯有硬著頭皮過。果然一過時，後面傳來一把更唔友善的「喂」聲，一個保安制服的大叔過來，話前方係景區要買票才能過，我開X度地圖給佢看說你的景區佔了整條村路我要南行到九龍怎麼辦，大叔似沒好氣，由得我過去。

途徑彭家祠，原只想快快拍一下門口就過，點知隔離賣茶攤檔的阿姐請我品下茶，我見大好機會停低就恭敬不如從命，結果花了五十元買了一包檸檬乾和一樽紅糖薑，這點都比八十元門票實際。

繼續往南，也繼續普通鄉村普通景色，當見路碰回黃花溪，察覺後方遊船漸駛過來，回頭一望：山丘中彭家祠置中，下部平靜的黃花溪形成倒影，總算看到較有看頭一面。

但往後也就沒有甚麼特別景點，看地圖以為會途經洞天仙境，實際上只在山背繞過，我也費時進去。

到九龍鎮時，時值兩點，行了十二公里路又累又倦，天還要下起毛毛雨，走到鎮裡找有沒車回英德，結果在九龍大道西邊找到一架回英德的小巴，索價廿五塊。

 

其實南面還有榮強小桂林，但我總覺未必會再來，因為認真樸素的農村景色實普通到不行，但回想這確是真正的農村風景啊，我唔係一直嫌這国度太多假太多造作嗎？就像常嚷搵初戀的我，竟嫌面前純樸少女不懂花妝，我還他媽的真奇怪。