「你可以陪我去東京嗎？」我問她。
「當然可以。」她心心眼回。
本來我只係趁生日去一轉旅行，接著就想到東京、東京又想到櫻花和富士山、櫻花富士山又想怎會只望不拍，拍照就想有個女的做模特，突然又覺得自己已到不惑之年，想認真找個一齊行落去的人。心想和她相識了一陣子，若能和她來一場旅行多好啊。於是就鼓起勇氣問她，想不到她就此答應。
大清早成田機場落機，接著京成上野skyliner、都營地鐵，一直到ＢＵＳＴＡ新宿。只今次目的地唔再係河口湖，而係富士山駅。中午到來看見車內滿滿人群，即將坐的車次呈滿座，再望望自己手上早已買好的車票而感慶幸。若像八年前來到才買，相信會換來身邊人的怒逗。
到臨前些日子關東地區下了大雪，巴士離開東京愈近河口湖，白雪滿地愈見明顯。過河口湖站後見巨大過山車，這是富士急樂園，想過有人嫌無聊就帶入去玩一轉，但見路軌沒架過山車駛過，還是費時真關園碰門釘，有得睇無得食的悲哀誰也懂。
車到富士山駅，落車就知為何這裡叫富士吉田，因為這裡除了富士山就係富士山，無論車站，是但一條街，住的酒店唔駛上天台，就係樓梯的窗口也遙望到富士山，比起河口湖更實現富士山自由。
只係若唔計富士急樂園，外除了富士山，另一景點就係新倉山淺間公園，而且大家去到還是為看忠靈塔連帶富士山。我們還是沿富士吉田懷舊商店街，以新倉山淺間公園為目標一路向北。這街縱使大街但唔見太車水馬龍，致路旁多有偏厚積雪，只係有些滲了污水偏黑，我打趣說反正現在演白雪公主也是個黑人，這樣才叫反映現實。
就算有小紅書或市川實日子角田晃主演廣日劇《熱點》來賣，屢見某国人在馬路上打卡，但大街始終偏寂靜談不上熱鬧。轉入內街穿過大月線鐵軌，發現內裡小巷比大街更好拍。
上新倉山的階梯，目測爬升五十米，但仍叫女伴吐舌，我説京都稻荷山的無盡階級還恐怖十個巴仙。上到頂後，大家都說疲勞，她在體力上，我在視覺上：見富士山已見盡了一日，放題咁食也會到頂。剛好拍完忠靈塔的陪襯，太陽已落盡西山。
見不到富士山的富士吉田幾近甚麼也不是，就想找間麵店吃當地名物硬烏冬，但碌谷歌地圖嚇見有賣烏冬的都已六點關門。回到酒店再問櫃檯附近有甚麼好推介，櫃檯說車站會多一點選擇。但車站就係底層美食廣場開著一間賣四千円燒肉丼的舖，心想這舖那來的自信。地面就係摩斯漢堡，快餓壞的肚子迫使我們不作他選，原本想加個鬆餅療癒一下自己，但還是單點兩個漢堡吃完再周圍尋覓，結果出車站外轉角有間居酒屋。
早上毒自外出再周圍探究，晨早厚雲掩蓋富士山，街上途人更寥寥可數，看著寂靜的街道，卻又感簡單如此也無不可，霎時醒起出來其實要找早餐店，結果回去時我還真像探究地球的外星人：報告，咖啡店搵到了。
最後在富士山駅搭富士急行線，月台焦點依然富士山，望著列車緩緩駛離這簡單的富士吉田。
我想其實簡單也沒所謂，因只有富士山就夠。
又或者有她就夠。
沒有留言:
張貼留言