起這文標題有點煩惱：只叫南澳太單調，扮收音機講南澳以南太片面，我也唔係只去雲澳，想或者會有下一次，就叫這篇做上篇。
你問我沒有參考小紅X的一日遊攻略走篇全島？但大家也知小X書不能盡信：南澳島面積其實與金門相若，上次金門也逛了三天，所謂一日環全島係野外定向般走馬看花，其實你難得假期還要趕頭趕命地玩又何苦。
當然若你真只有兩日，大清早出發上島少不了，前晚買不切到汕頭站的，退而求其次到潮汕，在附近瞓了一晚，再回潮汕接搭落汕頭站。小紅X很多避雷攻略著你不要傻更更在汕頭站搭巴士，應出站走十分鐘到客運中心上車云云。但像我唔想搞咁多嘢就直接到車站五站台，目測排隊人龍唔算太多，而且現場有巴士公司職員似會醒水調多架車過來，你唔介意企一小時的話，就已上島。
由汕頭進島的巴士總站都在島正中的后宅鎮，要再往東就要在鎮南靠海如游客中心站轉車，但迫一個小時巴士還唔係講玩，到祥雲廣場已頂唔順下車，走個五分鐘才再上另一架巴士接下去。
坐的巴士全是沿靠海公路行駛，踏入雲澳前已看不少海岸線沙灘景，有想過到那號稱南澳最美海灘走走，但當時一心只想先到雲澳，這灘肯定要留待下章。
離開雲澳時搭上終站宮前大圓的巴士，落車看到這大圓還真會誤會自己飛到去台北。總之在此轉搭一架105，記著和司機講明在啟航廣場下，讓他只收你四塊。
趁未過大橋前下車，看點係長山尾燈塔加背後的南澳大橋，渡口旁廣場係經典機位，人滿為患，似唔係靜侯日落好地方。
繞過渡口往另一邊，這邊遠離了燈塔只見大橋，但算清靜很多。原本還有攤檔賣咖啡，但檔主賣了給我最後一杯拿冧趕收檔，現在正值寫意看日落時間呢，點解咁唔識做生意？
回到頭先落車車站後有一階梯，走上去有一天后廟，廟前正居高臨下望向燈塔大橋日落，最一次過滿足三個願望。
渡口縱使尾班船四點，但沒全關，仍可看燈塔的左邊。看完這邊日已落盡，去搭上架回宮前大圓的巴士。
后宅鎮本身唔係甚麼小鎮，偶有十數層高的大樓酒店，甚至比金門金城還要繁華。隨便找一間二百元一晚的，放下背包找間大排檔叫蠔仔餅和紫菜炒飯共五十多元。再到今朝下車行過的海邊，一個個排檔又令自己誤以為到了台灣。有點後悔剛才沒留一下肚子待到這裡感受台灣夜市感覺，但拍醒自己這裡是潮汕啊，食蠔仔餅紫菜炒飯才是正路好嗎。
第二朝趁著買早餐再到海邊逛一下，買好再回酒店吃完退房後，趁還有個上午再走馬看花地跑兩景。
三囪崖燈塔本來就唔係外型漂亮，去只因為它在這島東極。落車站點旁有一泥路通向海，但人煙稀少荒蕪的另邊景色也唔算壯麗，反正也來了就快快望一下就好。
青澳灣係南澳眾多沙灘其中一個，亮點是其坐正北回歸線。但巨大的自然之門下聚集著微小的人群，為避開門夾小的迴聲我避到海灘上，果然愈遠離那門就會清靜一點。目測這裡除了排檔還有大商場，夜晚住在這裡肯定唔會餓死，早上還可看門口昇起之日，總好過看門內的小人。最後用海鮮沙嗲麵和西瓜冰來完結是次旅程。
回宮前大圈轉搭105，105線說經汕頭站原來就只是途徑，結果察覺眾多人在汕頭站東南方前下車後，才發現這濕滑的巴士才不會走進站裡去。在帝豪酒店下想經西站房進站，怎料到西站房時見變了大地盤。這時一摩托仔叫住了我，我立即騎上著他快送我到進站口，最後付了廿八塊，剛好在開車前十五分鐘入站。
其實南澳可看的有很多，例如總鎮府、或《四海》裡劉昊然在錢澳灣奔馳的沿海公路，或和陳政協鍊車的佈滿風車的山路等。但講真有兩日找個海邊放鬆還有許多選擇，故此會否有南澳以下，還真難講，除非自己突然想看北回歸線上的日出。
沒有留言:
張貼留言