西樵行 - 南海大地藝術節

 

話說抵受不了大灣區的誘惑用回微信後，在朋友圈中發現了南海大地藝術節。先吸引我的是搭去平沙島的輪渡 - 那次到檳城都沒搭著人車並排的渡輪，還以為此東西該已絕種。

 

南海唔係指陳小春講既你搞佢就搞你加勒比海o個個，這是佛山豁下的一個區，而區內有個西樵鎮，這鎮就是南海大地藝術節駐地。若你地理盲會問那實在那，其實這在佛山西南角落，即使廣州佛山現在相通地鐵，但你最近只能搭到南莊，出地鐵站還要轉乘兩程巴士，例如佛251 / 226 / 樵15 / 225路這些，搭到永安站，再走到登山大路站搭樵12路，搭到太平社區站，再穿過村莊到河岸邊，見到碼頭及可上汽車的渡輪，等著下班船就得。

渡船沒座位，大家都爭依著船邊看江景，西江係條唔算遼闊的河，沒太多氣派，只十分鐘就過江下船。島係個縱五橫兩公里的島嶼，似找架單車橫島才恰當，但島上唔見有共享單車，那些四人單車又太大部唔靈活。

 

 

場館多在島北半，服務站也在北邊，內裡職員有幾個但似當你透明。島上只少部分展覽展品如智慧樹水天一色人人皆贏家等開放讓你看，大多有些閉鎖在屋內如種植夢之屋，要打貼在牆上的電話把職員叫來開門，費時麻煩別人重點係唔想買票就通通略過，走到海邊的餐廳就繞了這島近一圈。平沙島都是平路唔難走，只係沒有藝術節點綴你又嫌這島太大。

回程落船轉往北走過船閘就到太平墟，墟展品擺得無咁孤寒，滿街都係字神的遊戲，只係沒啥人氣。墟服務站只有個小姐姐，聽到我那亂七八糟的煲冬瓜還肯轉用廣東話：原來可散買每個景點十元而唔駛買百多元之通票，看到太平市場上望落很唔錯的時間的燈塔，小姐姐卻抱歉說負責開門的阿姨收工了，唔緊要當有個再來的藉口。

 

買了本觀覽手冊細閱其展場展品，見凰崗村的大約有點吸引。第二朝由佛山祖廟，又花了兩個小時，回到西樵搭上532號，在中旅銀灣花園站下車。你問我為何不在西樵過夜，我答西樵夜晚似看起來很無聊，祖廟附近起碼有大商場和嶺南天地，雖然對無購物慾的我，趁店鋪未開門望一個朝早就夠。

凰崗村距離中旅銀灣花園還要行一公里車路，大概沒啥人會像我這麼會走路，服務站的小姐姐都質唔打的既我怎樣來到。整座村展場要收廿塊，大概就用來叫小姐姐開村門口大閘、再冒著被蚊釘蟲咬去幫你開著如大約的煙霧、或彼得貓卜卜齋裡燈光。

其實凰崗村還可以留很久：躺著看卜卜齋內裡係悠閒到想睡，外頭聚焦被綠葉包圍的村屋和屋頂上豹貓和他的朋友們。只係在外要忍受源源不絕飛撲而來的蚊子，你忍到你也要顧慮守候著你的小姐姐啊。

 

結果看了一個半小時就離開，西樵還有西樵山，待下回再來，反正這個藝術節打著永不落幕的旗幟。未有時間赴瀨戶內海還可看這個頂替，反正聽聞香港現有直通巴直到西樵，可來個三日兩夜藝術遊......噢，看來大灣區誘惑到我已忘記初衷，唔好意思。