閩北行 - 煙台山

 

一八四二年鴉片戰爭後南京條約，清朝被迫開廈門福州等作口岸，順攜劃地給各列強做領事館區，廈門係鼓浪嶼，福州就煙台山。

煙台山的選位其實也就因應著上下杭這商業重地，所以就只隔著閩江，查百X地圖其說最近的解放大橋大修全封，著我繞到幾公里，但我始終係實踐係驗證真理的唯一標準，故還是走近大橋入口，看橋只封著一邊，另一邊路唔止行人也就單車機車穿梭才著，我納悶我又沒說自己係輛坦克做咩咁點我。

過對岸前還隔著一個中洲島，島上有座類似柏林洪堡論壇的宏大建築，島另一邊有遙望煙台山的平台，覺這裡似漫步看日落該唔錯，奇怪沒多幾個人沒間舖開冇人提過似。

過到對岸，其實又係冇做太多功課沒太多頭緒，還是先上煙台山公園。

入公園前先有棟白色建築，為美豐銀行和私立協和大學舊址，守門口的小妹說內進要十塊但只行廊道免費，厚臉皮說先看一下就只行廊道，畢竟另一邊無人睇只要你扮下東莞仔就可跨過故費時收錢，感覺其實駛十蚊睇埋內裡也無不可，只係自問沒太多時間。

這始建於六十年代的公園唔大，但迷宮feel，上到門牌觀景台看完後想出返去，結果又要繞一圈去返白色建築才接返出西門。

出西門見改成大觀美術館的樂群樓，樓只要微信關注一下就可進，只係內裡除二樓的唐代美女瓷器較有趣外，其他連帶建築都係咁意睇下就可。

沿樂群路向西走會碰到閩海關稅務司官邸舊址，又係微信關注一下，內裡當然講海關史，但只開地下一層，走一下就完，後來細望一下百X地圖才覺這樓後有乾坤。

繼續往西見中華基督教會衛理公會總部，說現在給了三自愛国教會，大概中共一直都實用主義，故樓下做了咖啡店，但剛先食左冰的我無太大興趣飲啡食甜嘢。

只係天氣還是好很熱，抵受不了還是入了間精品店買了杯十二塊西瓜沙冰，我已懶理是否科技與狠活，縱使我親眼睇住那櫃檯小妹拿出擺明係西瓜的東西放進泡冰機。

精品店旁係舊法國領事館，唯現在已劃作民宅，還要一殘破衰敗感，頓覺得若有人來接管就算為搵銀，起碼復修一下都未必壞事。

接下就係哥德式的石厝教堂，如同其他教堂一樣都被封印，大家都只能望門興歎。

再往前就係舊美國領事館，見又係改成咖啡店，不特止大概見識特種兵們連杯咖啡都唔會買，乾脆門口整部閘機先收廿五入場費，見有幾個小姐姐過來，紳士風度還是讓位給她們排隊買票入去好了。

領事館旁有路指往馬廠街歷史建築群，唯邊走進邊望X度地圖卻睇唔到有甚麼睇頭還是調頭，回去再查看似係廣州東山咁的住宅區，唯有再做點功課待下次。

另一邊落去亭下路，來到今時今日煙台山重點：鳩嗚鳩嗚鳩嗚，一大條唔係咖啡廢水也就是其他旨在叫你駛錢的店，也就唔使特別細睇。

落到倉前路這靠閩江的大路，一直返東，偶上返樓梯唯見又係食店就折返落去，這街名乎其實盡叫你鳩鳴的街，也是名創優品在深圳東門賣公仔的旗艦，這裡也有一間。

雖繼續行會經過一改裝賣茶的安瀾會館，見似也沒大改大拆，也叫讓你可再探一座古建。

原想續往東到泛船浦聖多明我主教座堂，但距近一公里，時已五點半，買了六點八回深圳的高鐵票，還是找架共享單車飛到上藤站，途中見有水煎包，買來上車後邊食邊望日落，食著想起那疑一飛卡碧搞到冇左成班同學的前灼傷互助會副主席，其實他還不用為食這包到夠本而專程過台灣。

反而我不為水煎包，而係要為行福州行得零碎而來補足，如鼓山上另一邊還有鼓嶺、上下井的古田會館、就係煙台山，我以為只有咖啡店的半山路，有著一座天安堂，這堂還要我在中洲島時就已望到它。