菲森到紐倫堡 (Nürnberg) 沒有ICE只有RE，已叫最直接就係搭RB77到奧格斯堡 (Augsburg) 再轉另一架RE16。
看著車外雪地慢慢遠離，最終到紐倫堡火車站已係下午五時二十，見車站附著個大商場，亦趁機找藥房買服他靈（Voltaren）去塗一下尾龍骨位，又耗多二十分鐘。
在愛勾搭搵到一間近火車站三百多的單人房，過城樓Frauentor左轉入一條橫街就到，到著才知是棟沒有前檯的Apartment ，上樓見就係一間只有企缸沒有獨立廁所的房，係不對勁，但還是那格言來對來了，快放下背包再塗點藥。
延至六點半才出門口看看，此時已告黃昏，往城北方向進發，途經三教堂：聖羅倫茲 (St. Lorenz)、聖母堂 (Frauenkirche) 、聖塞巴都 (Sebalduskirche) ，當然此時三間都請我食閉門羹。
北之盡係紐倫堡城堡 (Kaiserburg Nürnberg) ，城堡當然已關，但其牆仍可上，可惜趕不上日落只有夜景。
離開城堡再原路向南，途中食了一支雪糕，買了一條卡巴卷，望一下紐倫堡新博物館 (Neues Museum - Staatliches Museum für Kunst und Design Nürnberg) 外邊，回 Apartment食完就睡過一晚。
第二朝在 Apartment內搵擺背包地方，唯沒有，只好到火車站，還好有三歐可放全日的儲物櫃。
今日的目標都相隔較遠，就算尾龍骨唔痛，單憑雙腿都費時失事，還是花十點六歐買張全日交通票，接著搭地鐵到Bärenschanze，出站往西走就到紐倫堡審判博物館 (Memorium Nürnberger Prozesse) 。
看完出館找東西祭五臟廟，找得一間餐館食肉醬意粉，朋友問意粉隔離點解會有饢，我答間餐廳係土耳其人開。諗起食抓飯係用饢扒著食，我諗這饢是否也是這用途。
食完拿冧搭地鐵去開展三教堂巡禮，首先搭到Lorenzkirche。
一出站就見的聖羅倫茲，大概已係市中心區，故堂內外皆有人氣。
接著過博物館橋 (Museumsbrücke) 到聖母堂，此堂對出有市集似就人氣更盛。
及後再走到聖塞巴都，已迅速變得寂靜。
接著附近的 Nürnberg Burgstr.巴士站搭上一架36號，到遠在東邊的 Doku-Zentrum站。
站隔離正是紐倫堡黨代會集會場檔案中心 (Dokumentationszentrum Reichsparteitagsgelände) ，想進去買票時突然諗到我真正目標唔係只那半圓拱會場 (Kongresshalle) 嗎？於是繞過中心到後邊，見有一通道通到拱型內。
拱型內變了個大地盤，就係加建一座全綠的建築在拱型中央，似係硬加些左膠味的東西，從而減其威勢去納粹化。
出去於這拱型外環繞，原本想再走遠些看其全座，但尾龍骨的痛叫我難走得遠，況且要留時間去下一目標。
回 Doku-Zentrum站搭巴士到Rathenauplatz，再搭地鐵到Opernhaus，出站南走就係紐倫堡德鐵博物館 (DB Museum Nürnberg) 。
此已係今日最後一目標，之後就係搭地鐵回火車站取行李再下一地。有人嫌紐倫堡周地尿味，但講真我卻嗅唔到，起碼遠比波茨坦更難覺。只係要去的都去盡了，再要有個理由到來比嗅到尿更難。
沒有留言:
張貼留言