德意志 - Nordbahnhof

 

由波茨坦返回柏林時，覺可順帶看多一個景點，突又覺入夜看這個又會嚇破膽，還是作罷。第二朝醒來再研究，見景點其實和酒店對出及柏林火車站以電車連成一線，或可當離開柏林前最後一景。 

Nordbahnhof係柏林幽靈車站其中之一，柏林圍牆在一九六一年建立時，卻無阻斷地下的城鐵地鐵線，但又要防止東德人借鐵路逃往西方，於是就把地面上的車站封閉，封到至圍牆倒塌才重開。 

此站特別處係其位置偏僻，相對市中心 (Stadtmitte) 站因真係在市中心，重開就人來人往，這站卻係日間使用者已不太多，夜間應係更加稀少。只係日間見其用算夠光的日光燈，未知入夜會否特別昏暗。

車站大抵似封印在一九六一年沒改動，只係周圍都掛上封閉時的照片，時於角落嗅到尿味，其實仍似個半幽靈車站，傳說無數逃亡者想經這裡逃至西柏林給東德邊防軍射殺，因而叫最猛鬼車站。

但反正我都只看半小時，應該唔會被厲鬼纏身，更何況我信冤有頭債有主，正如我也半夜敲門也不驚地經過太子站的月台咁。