德意志 - 如何十歐一餐

 

感覺在德國獨旅要搞掂食易過克羅地亞很多，自發現這國度大把土耳其人聚居開始。

德國與土耳其之間該追溯至柏林伊斯坦堡巴格達3B鐵路開建之時，十九世紀時一直被各國圍毆蠶食的鄂圖曼帝國，叫冇咩牙齒印的係隔著奧地利而一八七一才成立的德意志帝國。威廉二世發著帝國夢，於是同鄂圖曼講幫佢搞一帶一路建鐵路，亦就之後一戰時的三國同盟。

認真點講話係二戰後西德接馬歇爾計劃後經濟爆飛返，需大量外勞協助重建和發展經濟，於是從土耳其引入數百萬勞工，這些勞工大多在此落地生根，民以食為天也就搞起一間間餐廳。

土耳其餐廳裡的意粉多是九至十歐，大部分都係普通一碟卡邦尼，偶有一些變奏：例如搭著烤肉片的通心粉，或肉醬意粉旁搭著烤餅。

其實土耳其餐廳的意粉薄餅等係副業，他們主要賣烤肉，亦常食他們的烤肉拼盤Doner Teller ，一盤通常有烤肉沙律薯條，會比較有大餐感覺。

還有的是卡巴，像三文治用來趕上火車確保飽肚之物。

而尤其阿薩德還在敍利亞掌政時，也有很多敍利亞人來德，故有些係敍利亞人開的會賣炸雞，只係炸雞怎可唔配酒，唯一之策就係外賣回酒店。

而德國大學係免學費，各國尤其中国人都湧去德國讀書，這裡都有中餐館，只係相對土耳其餐廳，一睇菜色價錢已叫我敬謝不敏。

你問土耳其餐廳比德國在地人餐廳價差多少？我用慕尼黑的例子答：求其入間超市的熟食區點了肉醬意粉見唔夠再加條腸，盛惠十一歐，且只有立食區。

所以入正宗德國餐廳唔多，一次生日在柏林，當然要待自己好點，所以點了豬手 (Schweinshaxe) 併啤酒，就係《寂靜的朋友》裡梁朝偉初到貴境被人以此招呼，結果之後在樹下嘔光。

另一之就係在菲森，點Schweineschnitzel ，上來就係炸豬排薯條，就係單點這個要十七歐，回香港茶餐廳下午餐已可點三四份。

只係少入餐廳，等同香港魚蛋燒賣的國民小食咖哩香腸 (Currywurst) 則食多好幾次，還索性當正餐。

咖哩香腸通常七歐左右，稍平過意粉，這價位還有甚麼選擇要看運氣，例如會否如在萊比錫市政廳對出市集碰到價賣pizza的美食車。 

又或者乾脆搵間咖啡店買件蛋糕搭杯咖啡，當然特雷斯登茨溫格宮宮門上那間，或斯圖加特電視塔上的叫可邊食邊歎風景。

比在克羅地亞已少捱麵包，只特別記得夜晚到萊比鍚火車站時，沒甚麼特別想食就買一個魚柳包，覺唔夠喉又買了個夾午餐肉似的。

或未到意大利前，我已覺得德國已算是個美食天堂。