江西行 - 實用派清華鎮

下次再來，清華鎮這地方可以略過，除非你買了通票、時間很多、兼前往理坑前的中午想停一停找個多點選擇的地方吃午飯。

清華鎮稱有上千年歷史，其實外觀真係一個現代小城：從思口搭十分鐘小巴一到來，下車看到大路兩邊樓房，真係吃個午飯也可以 - 吃嫌農家菜可轉蘭州拉麵或沙縣小吃應有盡有。住呢？看來不必，靜又不見得很清幽，要吵卻不見有甚麼酒吧街桑拿浴室。

通往彩虹橋前有一段清華老街，或者街係千年以來都是這一段，但屋都係翻新了的，沒一間標榜用上百年。老街沒商鋪，每戶都閉門深鎖，像想問每戶的故事但個個都答關你屁事，還是識趣離去。

來到景區停車場，卻一直搵唔到景區入口，想硬闖出口時，還是給把守出口的保安老伯叫住：「左邊進左邊進！」但這個「左邊」上掛著彩虹橋度假村的招牌，下方門口則像菜市場。

結果，我吸了一口氣走進去，看到閘機，我講了一連串粗口。

彩虹橋有的只係上千年的歷史，外觀係一味樸實，橋上沒有甚麼雕刻。所謂彩虹亦唔係在橋上油上七種顏色，稱是建成時西邊山脊有道亮麗的彩虹，但總之去到眼前就係見唔到。

過橋後上山路有座彩雲古寺，又稱有八百多年，正中係佛隔離係財神殿，九唔搭八的格局，寺前有個叫導覽的大媽叫先拜佛再到隔離殿求財運，但看殿裡還是擠滿其他遊客，都係不好阻住其他發大財，轉身就走。

回到大街，在街上一小販檔買了兩個清明粿，粿皮用艾草做，咸的豆腐榨菜，甜的是黑芝麻，兩個夾埋三塊錢，聽上來還算老實。我想這鎮留不住我，就是它像清明粿般樸實，吃飽就走，沒想要你打卡留下。或者對這裡的人而言，我只想平平淡淡地住，橋也只想讓你過，千年之名，對我而言根本不實際。

我還是去下一個地方好了。