江西行 - 江江江江江灣

又回到大路，又一架白牌車司機上來搭訕，即管問：「去江灣多少？」「二十。」時間無多即管上車，上到車司機問：「你去江灣那邊？」

我反問：「不是只有一個江灣嗎？」

「那個景區？」

「對呀。」我答得很堅定。

司機對我的堅定更感詑異：「那邊沒甚麼好看的。」

我說買了通票唔好浪費看多一個，但看來他也難以置信，因為對普通遊客，就算免費，都係浪費時間。

江灣原本只係一條普通到不行的村子，既沒山野大河等襯托，更沒別樹一格的古建築，出名只因出了一個人：江澤民 - 中共國第三代領導。香港人對他的印象為Too simple sometime naive、江交棒心情愉快、被亞視報死訊到現在都未死等等。

一人得勢雞犬升天，江灣也是如此的產物。只係江澤民唔係甚麼明君，既貪腐成性又迫害法輪功之如此類，仇家甚多，尤其要創一番偉業的習總，遲早向其開刀，今日顯赫但或明天會遭剷平，可算是個頻危景點。

但就算咁講都未必吸引到你，正常沒人會對這個戴眼鏡的老頭有興趣，就算有，江灣都不會明目張膽介紹他，極其量只係近門口這張大相，也夠暗示他和這地的關係。大概自知結怨太多，必要時快快移走，也就避免累及族人。

江灣像是個全新的村落，最標誌的蕭江宗祠係二零零三年翻建，江永、江桂高、江仁慶、江禎等講起來你也不知他是誰的，只因姓江一律擺出來讓你看過夠。諷刺係疑似江澤民自己的祖屋，卻早就被拆毀。

江仁慶宅對上係座鄉賢園，似係把嶺南的園林搬過來。不知情者還以為這裡本是富貴村落，知道者只覺係暴發戶不懂收斂的象徵。

反正沒甚麼好留連，還不如趁快出大門口，上一架往火車站的小巴，走。