新加坡的熟食中心，其實就係food count，座位係公家的，你厚面皮唔食任何一檔去坐都似沒人管你。馬來西亞的咖啡室，你坐底就要叫野飲，相連排擋野食唔關咖啡室事，俾錢都係各自各，冇飲野要俾一蚊坐位費，通常咖啡美祿都係兩蚊，故食飯都係連上一杯飲品。
你問我怎界定一個地方是為美食天堂，該是想食東西唔用煩惱：唔需太計算要走到那裡、花費多少、那間才好食這些問題。咁講馬來西亞可謂贏哂：酒店附近必有間咖啡室、每餐通常只至港幣三十元、較少吃著會感中伏；新加坡要平就一定要到熟食中心，熟食中心又唔係到處有，起碼哈芝巷沒有。
馬六甲雞場街：燒雞雞飯 vs 燒雞雞飯粒
其實要食到雞飯粒唔難，只要你唔堅持去名店，就係雞場街是但搵間似係搵遊客笨的店；以及中午或之前去食，亦係四點時去店員就話已沒有雞飯粒，卻有雞飯，我納悶想不都係一樣東西嗎。雖然雞飯與飯粒之分除了形狀，那就係前者偏油後者較清淡。至於燒雞，首天到步吃著那家皮較香脆，翌日食的多油淋得像豉油雞。話雖似搵遊客笨，但一餐有雞有飯有野飲圍返都係港紙四十左右，還唔算過分。
馬六甲雞場街：煎蕊
一舊浸著椰奶的冰，鋪上綠色的糯米粉條、紅豆、栗米粒，某晚唔想食飯餐之時用來頂替一餐。
馬六甲：喇沙、咖啡
一連兩個早上的早餐：喇沙粉內有魚蛋血蚶，另可選炸魚蛋紅腸腐皮卷等夾成一盤。共計港幣廿七左右，香港的沙牛麵餐也沒有如此豐盛。
枱上這杯Ko pi唔係齋啡，只係煉奶沉底未撈上來。
馬六甲：豬油渣薄餅
就係見一條長龍，故此為膳不甘後人買來當下午茶。內裡沒記錯芽菜豆腐等，重點係似乳豬的豬油渣。
馬六甲雞場街：椰子雪糕
白色那球才是真正的椰子味，只係夾埋其他顏色就讓你打卡效果好一點。盛載的椰子殼係真的有椰絲的，這樣盛惠廿元港紙。
馬六甲客運站：甜辣雞飯、涷咖啡
搭五小時大巴前再找些填飽肚子，或者食得太多中餐類的想轉口味，但這屬馬拉還是印度野就不太懂，總之不過不失。
怡保：雞絲沙河粉
一種淺嘗怡保名菜芽菜雞的方法，只係若你認為芽菜係要大口大口地食雞要連雞皮才夠味，這樣肯定沒法滿足你。
怡保南香茶餐室：紫菜卷、皮蛋卷、叉燒包、蛋撻、白咖啡
香港人見酒樓有咖啡點嘖嘖稱奇，對怡保人實覺你大驚小怪，反而係咖啡室至多讓你叫奶茶，普洱香片等唔駛諗沒有。而就係來怡保怎能唔嘗白咖啡，雖然同雞粒飯一樣，唔駛堅持一定到名店。
怡保：福建炒麵
似上海粗炒，但豉油落得更多，而且除蝦外，還有較唔明顯的豬油渣。
怡保糖水街：鮮果拼盤
在東南亞水果似係唔值錢，這樣滿滿可當正餐的一盤：港幣十五元左右。
怡保：咖哩麵
望見某篇遊記說這裡某家咖哩麵超好食，但那間鋪路程有點遠，還是是但到樓下某家咖啡廳，但這家似湯有點淡，或者轉撈麵會較好。
檳城：芝士三文治、白咖啡
首日到檳城即給這間檔吸引，只係同雞飯粒一樣，老細到三點就收檔。第二朝早餐再來吃這個，即烤即煎蛋出來沒有唔好食的道理，只係這一盤似太少。
檳城汕頭街：粿條、杏仁露、串燒
粿條用來打底、杏仁露係夜晚唔想飲咖啡因飲品是但揀樣、重點在這串燒，冇記錯係雞肉，約廿元港紙這樣一把，在香港應只能買到一串。講真應配啤酒，但這國度應大把故事卻沒有酒。
檳城小印度：烤餅、烤雞
前往國家公園途中，見到好幾檔印度烤餅檔，看著金黃即製的餅，概歎自己剛吃了早餐，於是告訴自己一定要吃到這個。三點幾離開公園後，那些檔口卻已收檔，死心不息回小印度是但走入一間餐廳，見著餐牌寫著Naan，不假思索點一個，出來卻係這麼一大塊明顯擺了很久大塊且乾的餅，連雞都係乾的，又沒咖哩汁來點，媽的！
檳城汕頭街：鴨粿汁併鴨脾、牛奶四果湯
粿汁可謂把豬腸粉放落湯，原以為淨湯故加了碟鴨脾，於是上來就慌了。身處咖啡室正是賣糖水，橫掂都係整埋碗這地另一名物四果堂，一次滿足兩個願望，只不過來得叫我差點無福消受。
檳城：叉燒雲吞麵
湯係豉油湯底，撈麵係鹼水麵，雲吞另上，叉燒像只染醬沒燒至濃邊，這種食法沒在香港，但在廣東汕尾見過。
吉隆坡：魚蛋粉
白魚蛋搭一大片鮮竹卷皮。
吉隆坡國家清真寺門外：椰絲糯米糕
除了這名外我再想不到有甚麼名字形容這個：麵粉發糕包著椰絲加糯米，介乎正餐和甜品間的食物，當正餐又甜到唔岩規矩，當甜品又似會太飽。
吉隆坡：板麵
吉隆坡新九如新記：牛肉牛丸粉
中午時間目測鋪外人龍長長，心諗該是名店，下午茶時間人龍少點便入去一試，不過不失吧。
新加坡芽籠：肉骨茶
新加坡黃金坊熟食中心：燒雞併海南雞飯、鰐梨蜂蜜
雖然海南雞飯說是這裡特產，他人常說要食雞還不如到怡保，因為這裡一律中央層房，馬來西亞才有新鮮雞，我卻計較唔到有啥差別。反而鰐梨蜂蜜像把啤梨榨成汁，但這杯口感杰身，較有驚喜。回香港我卻找不著這個，這可算這裡真正特產。
沒有留言:
張貼留言