難怪泰國會係東南亞旅遊上首屈一指，只要在食能滿足所有人，就係窮撚毒撚，也能找到一席之地。
講緊既係夜市攤檔，到過東南亞幾個國家，就沒個如泰國般，梗會日有攤檔夜有夜市在左梗。夜市對所有人都係公平，一條毒撚或一大班人，攤檔都照樣招呼，你窮到只想20Bhat買串燒40Bhat買甜品過口癮都得，唔會當你麥可搵間大貨車撞飛你。弊在太沉迷夜市攤檔，離開時才醒起沒怎在餐廳食過正餐。
蘇凡納布機場7-eleven：飛碟
搞不清飛碟到底係泰國還是泰國七仔的特產，話雖並不複雜，當係一大舊雞蛋仔內餡料係肉鬆芝士或明太子。只係當你凌晨抵達機場，要等數小時才有頭班車，看著多士爐叮出來的飛碟，你總覺就係唔簡單。
Sam Yot安樂園：太陽蛋、火腿、煙肉、腸仔、焦糖多士、泰式奶茶
踏進市區後找到唐人街這間老早餐店，見這充滿鈉的配搭總覺不健康，但想搵個地方就坐一下的自己已管不了那麼多。埋單142Bhat，換在香港這個價錢，該只能讓你食個太陽蛋搭火腿加奶茶。
翟道翟：肉碎炒飯、椰子雪糕、青蘋果沙冰
首嘗泰國攤檔的魅力，就係隨便找個大排檔，吃著用泰國米怎也不會差的炒飯，再去找個椰子雪糕當甜品，走兩步就渴於是一杯沙冰是常識。但邊吃雪糕邊逛市集很快就遇到麻煩，要走到遠一遠的廁所才找到垃圾桶，這也像日本掃街請你立著掃。
唐人街：胡椒豬肚燒肉湯、香蕉烤餅、密瓜西米露、豬肉香腸串
胡椒豬肚湯似沒舖名，但唔難確定：見檔前掛米芝蓮車胎人就是，小碗湯加蛋80Bhat，想過要唔要加碗白飯，但想起外面還有聚多檔口就叫住自己。接著香蕉烤餅60Bhat，密瓜西米露40Bhat。覺過吸太多糖份就找串豬肉香腸收尾，20Bhat。
佛統府：竹筒飯
飯係糯米飯，且似為了增加甜味，還有些似係綠豆蓉在底，具體價錢不太記得，總之係一大把小食中最貴。
南多瀑布：燒雞
南多瀑布：檸檬沙冰
35Bhat，印象中係嘗過所有飲品中最便宜，這個遊客區還真有良心唔會趁山高皇帝遠劏客。
北碧夜市：奶茶沙冰
40Bhat，當到此一遊
泰緬鐵路909班次列車：炒河粉
上午仍在車上時，列車長會拿附帶圖片的餐牌來問你要不要訂晚餐，選了這個付40Bhat。五點從北碧開車後晚餐就會送上，但肚裡的燒雞還未趕得及消化，就擺在一旁到六點鐘，唔難食但因攤涷一小時，總覺味道差點點。其實晚餐還真唔太需要，因為沒晚點的話，七點半已回到總站。
金佛寺附近某咖啡店：泰式奶茶
130Bhat，我明白其中100Bhat係坐位費冷氣費兼且向這杯打卡時同時影埋舖裡美女的附加費等，所以唔會罵佢搵笨啊。
Nachtmarkt Essensstände夜市：燒雞脾、烤飯團、韭菜餅、椰汁糕、西瓜、青草茶
在長街般的夜市中，逐點些在唐人街夜市沒嘗過的，買了五袋東西後放到單車籃飛奔回酒店開箱，烤飯團其實冇咩味，當係搭串燒有個飯落肚，餅是否韭菜已不太肯定，青草茶之名也是自己亂起，我想係另一種涼粉而已。
拉嘉布拉那寺對面街：雞湯麵
純粹想食返「正經」點的食物，但似乎湯底有點咸，或者大城如此暴曬，你係需要多點鹽份。
帕蓬夜市：酸辣海鮮米粉
魷魚、蝦、青口等一堆撈埋，且唔係落鑊炒，係放涷的酸辣湯撈落去，190Bhat有點貴。
沒有留言:
張貼留言