華南薘火車站
(Bangkok Train Station) 係兩不像：泰國鐵路局係想把火車站武功全廢改建成博物館，但太多市民反對，正因此位於市中心之站明顯比遠在北邊的Krung Thep Aphlwat曼谷中央車站方便，於是只廢一半，問題對遊客，正如我想下午從這裡前往大城，抱歉這裡整個下午係沒班次途經。
車站係開放式，若你當係博物館也就是免票。但資料展示方面不要說上京都鐵博，就係比大埔墟鐵路博物館還差：既沒詳細講解泰國鐵路歷史，重點就只係月台上展示的幾架火車頭，還要不讓你內進參觀。月台最前方有架似係藍色列車，也是閉門深鎖，有點掃興。
但這站正因兩邊皆缺卻又會負負得正：因沒太多搭客，兼且小紅書等唔似推介這裡，宏大車站大堂到月台沒幾個人，換言之你慢步月台細看車頭車卡又得，回大堂抬頭望拱形樓頂，或直情搵個位發呆又得，就係一個放輕鬆之地。某程度你也可視為曼谷舊城區起終點，起點就有個位置讓你整理一下接下去向，終點也是讓你外頭買來杯咖啡奶茶沙冰，再找個位置整理一下思緒。
車站給你唔客氣坐一日的位置真多，例如二樓平台看似咖啡店專用座位，但咖啡店沒開門，坐下後你耳邊或聽到以下對白：
「你知你走唔甩嘅。」
「我知
我女人喺香港好危險
我求求你幫我。」
「我點解要幫你？」
「因為我幫你隊冧你大佬
我知你想坐嗰個位
仲有
我一直當你喺我好朋友。」
「唔好信佢！琛哥！唔好信佢！」
「行開！」
「對唔住，琛哥。」
沒有留言:
張貼留言