省城行 - 廣州鐵博

覺新寧鐵路北街站舊址唔夠滿足我這偽鐵膠，想看一個正式的，想起廣州有一個，於是到北上赴省城，隨便找間酒店過一晚，第二朝再搭地鐵到如意坊站。

 

廣州鐵路博物館前身係黃沙車站，這黃沙也就講緊係沙面個頭，沙面接住落也就係沿江西路，換言之這又一篇近代廣州史，只係現實地理其隔著一個樓盤同一個水產市場，你想找架共享單車由此一直踏到沙面再往東？別多想了。 

有別於其他地方鐵博主力賣舊車頭車廂，廣州鐵博擺出來給你看打卡的機車不多，只一蒸氣一柴油車頭一綠皮車廂咁樣樣，而且只讓你看外不讓你窺探內裡。 

要看內就只能到館裡去，內裡就係講中国鐵路發展史：由起於清未、民國延續、中共建政後大力發展。而由於新中国成立後我国終於擺脫沒有乜乜物物的歷史，因此五十年代後實體日常鐵路用具、車票、制服等愈後愈多。當然中国近年大賣「新四大發明」高鐵，這裡也會賣，但只賣模型。

這館其實一如中国很多博物館，免入場費，但既然免費咁我想賣甚麼就我話哂事，於是旨在賣歷史其實就係賣我如何光輝：抗美援朝照片、大眾美術海報、口號式標語等才多給你看。你想看觸摸真正機車就係沒有給你，只因唔收你錢，那用顧及你感受。

 

或好在也就係免費，讓我唔駛浪費錢也知看一次就夠。