閩南行 - 清源山

 

出發前參考一下小紅書，發現国內網友多評清源山係坑爹，港語稱搵笨之景。我想重點係入場費七十大元，對用二百元遊香港也嫌多的特種兵，定吐槽咪又係山點解我唔行盡全條麥理浩徑還唔駛一元？ 

 

小弟這窮撚本來就同特種兵不用分這麼細，其實就正好用特種兵思考，這座山值唔值七十元？ 

清源山本來有一地理優勢，在泉州市區上高鐵站以南之間，就係你搭高鐵出站後搭三四站巴士就到。意指係你大清早來到，或臨離開前找個景點看兩三個小時，這裡還可應你要求。 

 

你問七十元入場費用在那？當你入場後見到鋪好的石路、指示牌、至五百米高的南台岩都有是正廁所時，你就明白其實七十也收得合理。當然換句話就係石屎化嚴重，看到景色幾無一與人工無關，就係所謂天池其實就似水塘。 

公允而論，人造嘢已係早於唐宋非全現代，七十門票就叫你感受多歷史底蘊。當然看到的古蹟都係石 – 石室或摩崖石刻，寺廟等建築一睇就知現代興建。 

 

想到特種兵去旅行都係為打卡，清源山被罵搵笨最大理由係唔似有似樣打卡點。那標誌老君岩長期人滿為患，其他都係灰暗的石像石刻，唔似如伏見稻荷一整排紅當檔的鳥居能迎合視覺動物。山係可見盡覽泉州市區，但你會發現泉州古城沒那麼大，東西塔唔明顯。山上有士多，但想如摩耶山般一邊吃芝士蛋糕飲咖啡一邊觀景，可能 要睇天池旁的咖啡店幫唔幫到你。

初到看著蜘蛛網般的地圖或叫你苦惱，究竟向東還是西走好？但山的遊路設計，只要你一直旨要往頂，就係推你向南台岩。另邊若你要執著每個點都要看過，蜘蛛網佈局的山路，不斷的石景，若再加點霧氣，那似陷入石兵八陣之境。只係今日陰天，特別叫人厭倦，一到天池就直奔落山，反正也逛了三四小時。你說你捨得那七十大元？這山還真道佛合流地，教曉你不用執著錢財，雖然你出到門口，回到泉州市區酒店安頓良久，你還是會執著。