我諗如果我詳盡去寫呢碟野的食，應該夠令十三億人震驚，相傳當年有人往明將破地獄都已震驚全港。
點解會食到呢碟前無古人後無來者的碟頭飯呢？先由今日旅程的開頭講起。
今朝的目的地係仰光中央車站，由那間戲院北邊，看到鐘塔的路走過去。
先經過仰光中央醫院，在門口一舉起相機，保安已叫著No photo，說聲Sorry快快走開，但紅紅的建築仍吸引我做過壞孩子。
再來係高昂的哥德式教堂。
昂山將軍市場，主要賣玉器和布匹，女士或會流連多一陣，男士的我行兩個圈就算。反而市場後門，橫過火車軌的天橋，更吸引我停下腳步。
中央車站附近的戲院，外看很六十年代：賣花生和粟米的攤檔。多了一套成龍大哥上的電影。在東南亞，成龍還叫有些市場。換轉在香港，人們只會想為范冰冰感到可憐。
相比強國，仰光火車站人氣沒那麼利害，要買環市火車票，直接走裡站裡，過站內天橋到六或七號月台，在月台上的票房買，二百緬幣，好似係可以坐成日，因為坐了兩回只被驗過一次票。
其實環市火車沒話過一定要在中央車站買票或上落，部分小站都有售票亭，不知驗票員會否兼有售票服務。
車到，柴油火車，即停即上落即走，在這裡不會聽到小心車門關閉或請勿靠近車門這些說話，因為緬甸火車係沒有關閉車門這回事。
規矩看似不多，只比港鐵多了個切勿車輪。
在Hletan下車，想著向茵雅湖方向走過去，突然看到面前一個疑似茶檔，看看手錶已是十二時，還是吃點東西較妥當。
走進檔內，用英語問看檔的小女孩有甚麼東西吃，小女孩一面疑惑。
麻煩了，忘記這個與英國有著隔夜仇的國家大概不會在小學教英語。
攤檔有兩個大煲，著女孩打開看看，一個放浸著油的似要叫人爆血管的肥豬腩肉，另一個看起來較健康點的肉。
「This」女孩似聽明白了，我就坐另一邊等菜端上來。
於是上菜時就係咁樣樣的：剛才點的肉真係一滴肉汁都沒有，就伴住白飯，菜都冇條，「喂點撚樣食呀？」我爆出這句希望小女孩唔識英文都識廣東話，可惜奇蹟沒有發生。係喎成龍呢條撚樣只識玩女人卻就冇講過粗口（係電影度）。
其實仲有諗過係攤檔度搶隻鑊加隻雞蛋炒一炒，但都係算。
肉就真係牛肉乾個隻肉來，至於飯，阿Q去諗其實緬甸米都幾好咬口。
我默默食著，諗起李小龍o係《猛龍過江》初到義大利，一進餐廳扮哂識睇個menu，點知叫左成檯湯。
我想李小龍好歹都沒有我這麼難堪，大概因為我沒李小龍那種磁場。
最後我也總算填飽肚子，向西進發。
茵雅湖旁係仰光大學，想進去前，門衛指住相機說No Photo。那麼可以進去？門衛則給了另一個手勢：請。
一直路走進去，拍張照也是要偷偷模模，當走到主樓前，看見仰光大學生都在做全世界大學生都會做的事時，我就斗膽拿起相機拍個夠。有甚麼事就指住那班穿畢業袍的反問：「What are they fucking doing?」
茵雅湖係高檔住宅區加領事館區，目前有美國加韓國領事館，美國領事館還真不敢拍：門衞已吹哨子趕離拿著相機的我。
昂山素姬的家，依舊重門深鎖，不知她還有沒住在這裡，因為她辦公的地方已是百多公里外的內比都。
湖的一邊是大公園，再向北走。
穿過市場，就係Kanbe車站，呆在月台上，等著不知何時到的火車，拍拍月台上的人生百態。
又係車到，這架車先進點：2015年日本送給緬甸的舊車，又似係個鐵路迷有興趣到之地。
幾沒改動的JR內部設置，開放的駕駛室，根本就係一座活生生的JR博物館。
講真仰光的風景不止大金塔或蘇雷塔，想起一句：若你夠膽，那就自由。你有膽走出去的話，你看到的風景會比你想像的多。
畢竟，那頓牛肉乾撈飯，已是叫人難忘的風景。
沒有留言:
張貼留言