珠西行 - 加林山上

 

加林山係珠海灣仔一高二百五十米的小山，但這高度已足夠你居高臨下遙望馬交。縱使有點名氣，但相關其資料不多，小紅書有些零散的攻略。再看Trialwatch的地圖，都見到有山徑的存在。還是親身去一躺看究竟，始終實踐係驗證真理的唯一標準。 

 

拱北口岸附近有巴士前往，若你身處在珠海站，百X地圖或會點你走前一點，到個叫桂花南路口的站，總之搭上K10或G80，到灣仔中學下。 

 

或者山多人前往，上山入口已搞得較明顯：位高處的灣仔中學前掛上「嚴防森林火災，守護綠水青山」的橫幅，提你它低下就係上山的加林路。加林路上有間維修店，店旁設了森林防火檢查站，卻唔見有人看守。

 

站旁的樓梯就係進山的入口，階梯似原係附近民居階梯，接著一條佈滿雜草的巷子，需要突破一下猶豫，才能看到這個較似樣的出入口：有閉路電視，行過會播出入山的溫馨提示，我想這裝置係廿四小時運行，那淩晨上山你如何靜悄悄卻總會嘈到隔離左右。

上山初段係鋪好並看似無盡的階梯路，上了五百米左右會見到一個分叉口，好奇選右邊沒舖水泥的路，再走前一百米會搵到條暗路，走進就會遙望到向東的灣仔至拱北。眼力好些也已可望到港珠澳大橋，但始終未望到馬交。 

 

繼續行上會見到灣仔中學的儲水箱，聽返小紅書講繞回到水箱的「傳統」路徑，開始遙望到山峰連帶山腰的徐誠斋墓。繼續前進到達墳墓，墓前平台已可望到澳門半島市區，但仍未見到旅遊塔對落部分。有想過爬上墓碑上，但似乎太侮辱先人會招至意外，再細找原來介紹墳墓的兩塊碑石後已有暗路給你。 

 

直上同時看回Trailwatch，看著地圖上的防空洞和觀景台標記，對準通往那裡的暗路走進去，見到一支閉路電視燈柱，這裡就係遙望馬交連帶十字門橫琴的高位。但空間狹小，若只有我一人還好，遇著煙花時節那就要和他人爭位。

 

原本想拍夜景，再從另一邊落至灣仔海鮮街的路離開，但初到貴境總覺得要審慎點，回原路方向，並選一條向北左邊的路徑落山，途中碰到個架起腳架用佳能四百焦距拍大橋的阿叔，往下路段較鬆散，阿叔叮囑呈S形步行中的我。

 

直落到望到灣仔中學儲水箱，原來這邊路可繞過徐誠崙墓，接著當然就回到分叉口，再回到加林路。

我想若今年澳門國際煙花比賽匯演會再舉辦，這裡似係最佳觀嘗地，到時看完煙花，再落到海鮮街食宵夜，想起也覺不錯，話雖像我這樣想的該不只我一個。