巴爾幹 - 你說，唔食麵包難道我就為何不食蛋糕？

 

毒遊的好處，係沒人管你吃甚麼，但過度自由卻就係你要為吃甚麼而煩惱。 

 

本來窮遊克羅地亞斯洛文尼亞沒話不可，只因隨街都係麵包舖，麵包對當地人而言就如香港的兩餸飯，甚至小弟經常一邊pizza加一麵包，花三歐當一餐，還比香港現在兩餸飯便宜。

麵包舖沒堂食，所以你買完一係拿回旅舍，一係就地街上食用。當然若麵包舖正位於如斯普里特港區附近，或位於車站而你正準備搭車去十六湖或克爾卡，眼前美境或正好升級你普通的一餐。

問題係餐餐麵包必定會食厭，縱使我原本係pizza愛好者，但到杜布羅夫尼克我已害怕從此會厭惡pizza，話雖你見我手握如此厚底，就會窒我只不過吃著一舊麵包而唔係正式的義式pizza。

我記起盧梭在《懺悔錄》裡暗指瑪麗王后所言：「那就叫他們吃蛋糕吧！」於是大概再返到斯普里特當晚，就係一片pizza再搭一件朱古力蛋糕，但我似乎介懷那始終係澱粉質根本沒有解決問題。

你以為會比「瑪麗」講得有建設：「那你駛點錢上餐廳唔係就好嗎？」其實花錢唔係重點，麻煩的是對我這英文本來已差劣，更不曉克羅地亞語的I人而言，想去品嘗當地菜係無從入手。於是杜布羅夫尼克一次餐廳食飯就只點了肉醬意粉，另兩次吃著的都離唔開麵包。

直到扎達爾 ，知道自己入往的旅舍有微波爐，再入到一間大型超市，我才有唔再捱麵包方法：吃著叮叮肉醬意粉吃到想哭，一來感慨自己捱麵包多日像是受難，二係覺得這盒三歐的和在餐廳駛十五歐吃著的沒太大分別。

到盧布爾雅那，住龍橋附近的旅舍沒微波爐，但相連的餐廳多的是，對岸大型超市也有賣熟食，於是早午餐可以係通心粉或墨西哥卷餅，或是一隻雞脾，實現唔見伯母也可享雞脾自由。

話時話在杜布羅夫尼克食了三次雪糕，當然唔係每筒兩至三歐特別抵食，而係既然覺得自己在受難，那唯有吃點甜品拿些甜頭調劑。

講起蛋糕，記起碧裡的名食Kremna Rezina 奶油蛋糕，在碧賣六歐，回盧布爾雅那見賣一塊多歐，我想下次來碧前就在盧都內買定一大盒，再到Mala Osojnica觀景台或湖邊看台實現蛋糕自由，話雖此舉比「瑪麗王后」的話更傻一點。

 

看來下次去意大利或法國，還是帶多一位朋友吧。