邵武位於福建的西北角,緊貼著江西,有個和平古鎮,由明開始已佔據著來往江西與福建的古道。當然鐵路高速公路的興起,這鎮已遭人遺忘。近年才被人記起,大概看中其有潛力成為下一個鳳凰。
目測和平古鎮有客棧可讓你過夜,但如果想把握時間看過就走,理想還是買張廈門站晚上七點開行的硬臥,第二天五六點左右就會到達邵武。
火車站至汽車站兩公里左右,還只係一條大直路直走後轉右過橋,拿著百度地圖有點把握就唔駛理站前的摩托仔,或者也可殺一下價,沒把握唯有奉上十塊。
往和平的班車係流水式,似紅Van客滿就開,頭班六點多就有。連計中途上車的,二十座的小巴也被坐滿,有坐關愛座年紀的、四十路的、中女的、學生妹的,估計一係在邵武城裡返夜更回家休息,一係就在城裡提貨到農村賣的小販。
看到廣場就可下車,早上七點多,正好太陽昇起,在無人的廣場上做個早操,再於路邊的攤檔食吃過早餐,放鬆心情後走進去。
走向南門譙樓的路途上,看見一間間新建的醫院消防局派出所等,又係個句大概可以撈錢才令人關注一下這地,但願這些都到此為止,再來間甚麼桑拿足浴養生休閒中心就嘔心。
譙樓遠睇係像大阪城之類的日本城堡,木製但外表係樸實的深啡色,唔似如潮州城樓的紅當當。
和平古鎮唔大,快步一小時可走完全鎮。說係進士之鄉,但真叫出名的名人沒多個,所以唔見有甚麼紀念館。你問在這裡有乜好做?略為曲折的街道,鎮邊寧靜的田野,都係寫生的素材。找個如和平書院對出的空地坐下畫下畫,該夠你消耗一個上午。那裡有畫紙及鉛筆?還真請你自備好。
和平書院對出的斗井,大概用由上而下的原理,分井把水用盡。大概這裡係山區,水源唔多,就係資源短缺時,才想用科學的方法解決問題。
大清早的古鎮還靜得像座鬼城,想趁早找個廁所來個大解放,怎料進男廁三個廁格,兩個一拉開門就見個阿伯在率先比你早在解放中,第三間則見到一大堆黃金。轉頭見到一隻小狗探頭探腦探進了那廁格......我都係唔講落去。
早上九時左右,古鎮慢慢醒過來,大街的店鋪陸陸續續開門。最多都係賣豆腐,隨意進了一家食個兩蚊豆腐花,這裡用糖都係白糖,沒有黃糖。
走進內街,一個大媽叫著我:「小伙子,要上高處看風景嗎?」醒起走了一朝早,都找不到這個古城的制高點。大媽開了一間民居的鐵門,叫我自己走上去。古鎮的房屋最高都係五層,這間屋的天台高達四層,才可以看到如此景緻。下來時,大媽只收我兩塊,我想多年後她該會醒水賣多杯咖啡收每人廿塊。
回到邵武,較顯眼的地標係這座316國道建成紀念碑。這裡雖然高舉係張三丰的故鄉,但都沒有看到張三丰的景物。要在這裡消耗時間都唔算難:戲院、咖啡店、足浴休閒中心、如家連鎖酒店都有。但總括而言這裡都係行過就好。
下次再去和平古鎮,還請自備畫紙。
沒有留言:
張貼留言