2017年7月26日 星期三

廓爾喀 – 加德滿都機場



尼泊爾係個叫香港人可共享中國人榮耀的地方。 


事緣兩年前,這地方發生差唔多叫陷國剷的大地震。中共習總見此即大批金錢援助捐輸給這國。大概知道欠了人情,於是宣布凡護照上有「中華人民共和國」的,落地簽證免費。精打細算的港豬(我自認)這回都爭著認返自己中國人次。 

搜來搜去,最化算始終係因管理不善而在全球最佳航空公司排名榜由冠軍跌落第三位的國泰航空。除開每人三千八,五小時直航,又有飛機餐,又包三十八公斤行李。只係要兩人結伴同行,找到的同伴,就只有暑假才能起行。偏偏此國全年的雨水都會在這時期下盡。 

因航飛到加德滿都的時間係當地晚上九點多,或唔用太擔心落地簽證櫃位開放時間,人家的落地簽很先進用一排電腦處理。只係機件很hang機,拍照時側哂面,想turn back但turn back制沒有反應,只好按continues,電腦吐了張收據出來。行去入境櫃位,職員沒示意要小費,這國度人民似算老實。 

聽聞加德滿都機場簡直係因場,行李處理效率超慢,於是我們都手提行李唔寄倉,但還是要排一條長龍過X光(只有一部),過完X光機才是寄倉行李接收區,更納悶的是之後才是海關檢查區,咁頭先等咁耐過X光的用意係乜? 

過了海關有家找換店,兌換率一美金兌一百盧比,兌率唔算太差,比泰米爾區兌少一盧比,但比博卡拉兌多一盧比。接下去有間賣ncell sim卡的店,但這間電訊商在安納普爾納山區常沒有信號。 


同緬甸一樣,加德滿都機場似沒有機場巴士這東西,搭的士落泰米爾區六百塊左右。這國度其實輸出很多啹架兵,竟會認定搭飛機係有錢人的玩意,怪哉。

沒有留言:

張貼留言