南洋行 - 無序怡保散策

 

晚上十點到怡保市區，搵在愛勾搭裡訂的酒店，訂單附帶圖片上那座被植物包圍的大樓係找到，卻又係不得其門而入。門外原本在抽煙的看更見我左繞右搵終按耐不住問：「你去那？」給了酒店訂單他看，他大喊隔離樓上說有客到，原本酒店在大樓隔離巷子內。

醒來由酒店步出，旁邊除數間咖啡店，對面原來就係二奶巷：據說大二三奶巷係礦家姚德勝所建，一說係用來金屋藏嬌，二說就係用來收租。今日來看，用二奶巷藏嬌最唔make sense：因係最多遊人，最吵，你伸個頭出露台就被樓下打卡的拍到上IG，那藏甚麼。反而這最旺場，最多鋪開，賺租才是合理。

 

三奶巷反才似係藏嬌之地，尤其入口的七彩遮陣，今日卻已不見。雖壁畫仍在，但成條街沒多個遊人過來，一片死寂。大奶巷也如斯情景，而且聽聞大奶巷實係倒垃圾的後巷。但今日你或覺此說法不準：這城係毫不客氣把垃圾倒在大街上，原以為到晚上有人來收，但到我離開時街頭的垃圾依然原封不動。

轉向怡保火車站方向去，經過樺木紀念鐘樓 (Birch memorial clock Tower)，路過清真寺 (Masjid Negeri Perak)，沒在此地停留太多。反而行到市會堂 (Ipoh Town Hall)，我停住了。

 

會堂的大門正好開著，內裡其實如中學禮堂，見內裡職員呼呼大睡，我步上紅地毯階級，閣樓亦沒太多裝飾，就係純白柱廊，這像一個未嘗人間煙火的少女，給我這路人無意發現。

 

費時給內裡職員拿起掃把趕走，還是快步離開。但之後我似故意路過附近三次，回想自己行為還真有點痴漢。

 

至於那個被叫為怡保泰姬陵的火車站，卻很大方任你進，去三次一係買火車飛，最後係搭車上北海，第二次則是行到累，汽水機買了樽菊花茶，找張座椅休息一會。聽說車站樓上原本還有間酒店，但老早關門大吉。

其他建築大多只看外在，清真寺不懂規矩費時進、高等法院、教堂、學校、銀行等還真係唔讓你進。我發覺在怡保行走，其實唔使有甚麼計劃，亂走也有個磁場吸引你回中心：就行到累或餓了，一係回酒店躺平，一係附近一間咖啡室吃點東西。

 

再行到北方，培南學校的校牆，再沿著Kinta River走向南方過橋，Masjid Panglima Kinta 清真寺附近街巷，都有唔少壁畫。

 

回到酒店，偶見到一介紹，原來這裡係孫中山追隨者居住並策劃革命之地，失敬了。回想多年前香港滿街壁畫，係為革命之用。今日怡保，壁畫顯然唔用來革命，也沒太多遊客注視，沒那種燥動，而係悠然自得。亦教你唔使按律追隨而行，我喜歡這裡。