關西行 - 哲學之道

 

哲學之道係京都左京區一條沿琵琶湖疏水道的小徑，因哲學家西田幾多郎常在此冥想而命名。但人們到此似唔係要領悟西田想甚麼，多是櫻花季來拍櫻花，或大雪時節拍雪景。

 

嚴格而言，你可以搭如市營5的巴士在南禪寺、永觀堂道站落車，經冷泉通不碰任何寺廟而直到。只係我覺得哲學之道實係一套系統：南接永觀堂南禪寺，北接銀閣寺京都大學。你要擺脫其他直去道路，就像食炸雞竟要去皮，意思何在？ 

 

或你會辯唔係那有錢，而係時間有限之問題：大晴天下的寺廟可觀性太高，叫你不知不覺逗留過久。你話堅持過門不入不就解決到，奈何寺廟還是太誘惑：從蹴上站出一就注視到金地院門口的紅葉，差點想步進，只係略望介紹內裡庭園感非自己心水，而且又見係《怎麼辦家康》場景，似睇過劇後才再來好點。 

 

年少的自己或繞盡南禪寺無料之地就夠，現在有多點閒錢及趁日元貶值，入場費沒大幅加價時，進天授庵賞錦鯉，或再到永觀堂看弁天社置中的放生池。葉未紅透之時有樣好，就係周圍有人也是靜悄悄，不論望向佈滿荷葉還是宏大的湖泊，你也會心境平靜如水。 

持有平靜之心有好處：若你氣沖沖直跑過來哲學之道，來到見到你只會氣壞：紅葉未紅透，又未係櫻花時節，只係一條坑渠旁的一條小徑，說穿其實只係一長條型公園，走個五百米就會嫌無聊中途離去。卻就剛才已看盡湖光山色，道之平淡反係用來化解視覺疲勞。 

 

雖然唔係無錢之人就一定如《潛逃時空》（In Time）那樣慣著奔跑，斷估西田幾多郎都唔係每次逛寺才到此道中冥想，所以你直接到來也無不可，也不一定走完全路，就係便利店買飯團咖啡兼帶本書來，也可消磨一個下午。而且此道的垃圾桶密度特別地高，像要照顧恒常到此野餐者，畢竟你思考一問題唔係叮一聲或被一個蘋果打中就想通。 

 

行到道的未端已是下午兩點，向東係銀閣寺參道，向西就往京都大學，對四點就要回京都站的自己，兩地就係魚與熊掌之決擇。見只有一小時時間，唯有去地面積較小的銀閣。 

銀閣明顯比金閣樸實，不但沒有閃閃生輝的屋頂，也會被大樹遮掩，其附有一山丘，讓你居高臨下看其被樹所包圍。對比金閣常年人潮滿載，銀閣人流該只有其三分一。其不會裝孤高，因此未聞其被火燒過。 

京都大學要待下次才去了，或者下次逛完大學可再到哲學之道整頓一下思緒。