關西行 - 伏？見稻荷

 

稻荷山或伏見稻荷大社係個很複雜的地方，正如我寫此文的心境：簡直想一句也省一堆相片拋出就算，但仍覺點都係要講兩句。

 

JR稻荷站一出面前就係表參道，原該細看大殿，但或因其免費以致人潮堪比清水寺。還是繞到殿後，其實每個到這重點不在寺廟，而係鳥居，還要係一排排疊砌而形成的紅色迴廊。 

 

若我要說得非是人到亦到那樣膚淺，那就話就在寺廟鳥居之上的稻荷山，上山理由就如登珠峰的George Mallory言簡意賅之一句：「Because it's there.」就係山頂只係二百米為何不上？仲以為嚷要花兩小時才行完大概都欠跑山經驗，但最後才知自己還是太年輕太傲慢。

烏居群中以千本鳥居因其夠密集夠紅而最打卡able，要拍無人阻Q住之一連串紅就要比人群快一步之腳力超前再快快地按下快門。拍完後你再細看每個鳥居，其實千篇一律都頭頭頂兩大字奉納，柱身就係捐獻人或企業之名。那就唔係愛宕念佛寺裡千種佛像千種相，更唔係立陶宛十字架山萬千十架：人家可謂在抗爭，這裡只為求風調雨順生意興隆。

 

經過奧社奉拝所，再到下一排鳥居前，可拍到一連串鳥居之外。除此以後，接下來除了紅色也就紅色，未到腳部也會視覺疲倦，要再找個鳥居唔阻礙他人地拍個夠，的確再往前就可，因為普羅大眾會受不了這無窮無盡。就算你有志未登頂不可，你要克服唔係體力，而係推斷唔到何時到那的唔耐煩。 

 

望到新池你的視覺還可以稍息一下，雖似係一潭死水。你問既然到處狐狸係稻荷大神使者，但除了貓外就一隻真狐狸也碰不著，難道我要特登帶盒稻荷壽司上來？

走著想著就到了荒神峰，也正向西望向京都市，這時正好日落，起碼沒白費氣力上來。大部分上來的也這樣心想，夕陽落盡就打道回去。小部分如我者看地圖，見竟只行到山的一半。見天色逐漸入黑，但總覺唔到頂還不甘心，你問有乜奶油那麼執著，我答George Mallory亦都只是：「Because it's there.」 就上。見前路還有多幾個似和我有著這麼傻勁，如是一鼓作氣，和紅色的迴廊糾纏。

 

上到見到白紙貼「山頂」兩字，恭喜你終於上到山頂，頂上除了一間小廟，數之不盡的鳥居，就再沒其他。望東定西都沒風景，假若你聽那個推薦大清早跑上來睇日出，我又真係恭喜你俾人昆左了。你窒我旅行前有做功課也早知如此結果，就係你偏要那到此一遊的膚淺快感，與山無尤呢。

還好回到荒神峰，可再看一回夜景才繼續落，結果回到山下係晚上七時，下半四半上山還真的用了兩小時。你問我伏見稻荷係咪很伏？講真荒神峰有景可看已唔算，但烏居地獄同無景山頂，你實問何需花費這麼多時間氣力去到此一遊？我問到此一遊同Because it's there唔都係簡單的一句嗎？

 

反正就已行過，其實兩小時路程也是唔經唔覺，正如我覺得沒啥好講卻又不知不覺打了這麼多字。